𝗔𝘀𝗶𝗮𝗻 𝗣𝗮𝗹𝗺 𝗖𝗶𝘃𝗲𝘁, 𝗻𝗶-𝗿𝗲𝘀𝗰𝘂𝗲 𝗮𝘁 𝗻𝗮𝗸𝗮𝘁𝗮𝗸𝗱𝗮𝗻𝗴 𝗶𝗯𝗮𝗹𝗶𝗸 𝘀𝗮 𝗻𝗮𝘁𝘂𝗿𝗮𝗹 𝗻𝗮 𝘁𝗮𝗵𝗮𝗻𝗮𝗻

Noong Huwebes, Setyembre 25, 2025, tatlong indibidwal ang nag-turn over ng isang Asian Palm Civet (𝘗𝘢𝘳𝘢𝘥𝘰𝘹𝘶𝘳𝘶𝘴 𝘩𝘦𝘳𝘮𝘢𝘱𝘩𝘳𝘰𝘥𝘪𝘵𝘶𝘴) na mas kilala sa mga lokal na na tawag na alamid, musang, o pasla, sa Palawan Council for Sustainable Development Staff (PCSDS).

Ayon kina G. Mike Kevin Cuya, Gng. Nonalle Aralar, at Gng. Norma Aralar, noong mapansing ilang beses nang bumabalik sa kanilang kisame ang buhay-ilang ay naglagay sila ng trap upang ito ay mahuli at madala sa nabanggit na ahensiya.

Bagama’t nakatala bilang “Least Concern” sa IUCN Red List of Threatened Species, ang Asian Palm Civet ay may mahalagang papel sa kagubatan bilang seed disperser, lalo na ng mga punong namumunga.

Tiniyak ng PCSDS na nasa maayos na kalagayan ang civet cat. Nakatakda itong ibalik sa likas nitong tirahan sakaling magbigay na ng clearance ang in-house veterinarian ng PCSDS.

Hinihikayat ng PCSDS ang mga mamamayan na kung makatagpo ng buhay-ilang, ay hayaang manatili ito sa kanyang natural na tirahan. Subalit kung ang naturang hayop ay nasa panganib, maaari lamang itong i-turn over sa aming tanggapan o humingi ng tulong sa pamamagitan ng pagtawag sa mga hotline: PCSDS Wildlife Enforcement Unit (WEU) sa 09319642128 (TNT) at 09656620248 (TM), o sa PCSDS Front Desk hotline sa 0935-116-2336 (Globe/TM) at 0948-937-2200 (Smart/TNT).