𝗔𝗵𝗮𝘀❟ 𝗡𝗮𝘀𝗮𝗴𝗶𝗽 𝗠𝗮𝘁𝗮𝗽𝗼𝘀 𝗠𝗮𝗺𝗮𝘁𝗮𝗮𝗻 𝘀𝗮 𝗜𝘀𝗮𝗻𝗴 𝗧𝗶𝗻𝗱𝗮𝗵𝗮𝗻 𝘀𝗮 𝗣𝘂𝗲𝗿𝘁𝗼 𝗣𝗿𝗶𝗻𝗰𝗲𝘀𝗮

𝗣𝗨𝗘𝗥𝗧𝗢 𝗣𝗥𝗜𝗡𝗖𝗘𝗦𝗔 𝗖𝗜𝗧𝗬❟ 𝗣𝗮𝗹𝗮𝘄𝗮𝗻 — Matagumpay na nasagip at naibalik sa natural na tirahan ang isang Rat Snake matapos itong mamataan sa Tonie’s Mart Mall sa Barangay Matahimik, Poblacion, Puerto Princesa City noong Setyembre 13, 2026.

Ayon sa ulat ng Palawan Council for Sustainable Development Staff (PCSDS), natanggap ang sumbong bandang 4:29 ng hapon hinggil sa presensiya ng ahas sa nasabing lugar.

Agad na nakipag-ugnayan ang Wildlife Rescue Team (WRT) upang tiyakin ang ulat at malaman ang kinaroroonan ng ahas na naipit umano sa isang makitid na espasyo sa tabi ng bahay.

Sa pagdating naman PCSDS Wildlife Enforcement Team, isinagawa ang paunang pagsusuri upang matagumpay na masagip ang kalagayan ng ahas.

Kasunod nito, nagsagawa rin ang pangkat ng maikling Information, Education, and Communication (IEC) activity para sa mga indibidwal na naroon. Ipinaalala sa kanila na huwag gambalain o tangkaing hawakan ang mga ahas at agad na iulat sa kinauukulang awtoridad ang mga kahalintulad na insidente.

Nakipag-ugnayan din ang pangkat kay Dr. Glenn Rebong, on-call veterinarian ng Palawan Wildlife Rescue and Conservation Center (PWRCC), para sa pagsusuri sa kondisyon ng ahas. Batay sa kaniyang assessment, maayos ang kalagayan nito at maaari nang pakawalan nang hindi na nangangailangan ng pansamantalang pangangalaga o rehabilitasyon.

𝗧𝗔𝗡𝗗𝗔𝗔𝗡:

Hinihikayat ang publiko na huwag balewalain ang mga wildlife na natatagpuang sugatan, nanganganib, o nangangailangan ng tulong. Sa halip, agad itong i-report o i-turnover sa mga kinauukulang awtoridad upang mabigyan ng wastong pangangalaga at kinakailangang tulong.

𝗣𝗖𝗦𝗗𝗦 𝗘𝗻𝗳𝗼𝗿𝗰𝗲𝗺𝗲𝗻𝘁 𝗧𝗲𝗮𝗺:

Central – 09319642128

South – 09169546919

North – 09125753527

Calamian – 09076605619